જીવમાં જીવ આવ્યો (પદ્ય) — Gujarati STD 10 — Question

ગરમીથી ત્રાહિમામ્ થઇ ઉઠેલી પ્રકૃતિ, જીવજંતુ, વૃક્ષો, સૌ કોઈ વર્ષાની રાહ જોતા હોય ,એવા સમયે ઋતુની પ્રથમ વર્ષા–જીણા ફોરાં સ્વરૂપે આવે, તેનાથી સમગ્ર વાતાવરણમાં બદલાવ દેખાયા લાગે છે. આ દરેક બદલાવની ટુંકી નોંધ આ મુજબ છે :

• વંટોળ તેમજ પવન–ડમરી ઠરીઠામ થઇ ગયા.
• પક્ષીઓ માળામાં ઠંડી હવામાં ઝૂલીને થયેલા પર્ણો પર વર્ષાનું પાણી પડતા જ, પર્ણો સ્વચ્છ ને ઉજળા થયા છે.
• તાપથી ત્રસ્ત કીડીઓ વર્ષાના આગમનની સાથે જ દરમાંથી બહાર વૃક્ષના થળ પર લાઈનબદ્ધ ચઢવા લાગી.
• ઝરમર–ઝરમર ફોરાંના આગમનથી વાતાવરણમાં સૂર્યનો તડકો જાણે સોને–રૂપે જડાયેલો હોય તેવો લાગે છે.
• ગરમીથી ફાટ–ફાટ થતી ધરા, વરસાદના આગમનથી જાણે રૂપરંગ બદલીને સ્વરુપવાન સુંદરી જેવી બની ગયેલી લાગે છે.
• વગડામાં મોર, ઢેલ, કોયલ વગેરેના મીઠાં અવાજવાળા ટહુકાથી વાતાવરણ સંગીતમય બન્યું છે.

આમ, અત્ર તત્ર સર્વત્ર પ્રકૃતિ સજીવ બની ગયેલી લાગે છે આં વૃક્ષો, જીવજંતુ આ સૌના જીવમાં જીવ આવી ગયો હોય એવી લાગણી થાય છે.